Ош шаарындагы Манас-Ата, Алай-1, Алай-2 жана Эдельвейс жаңы конуштарында 20–21-ноябрь күндөрү «Аракет – Кыргызстандагы жаңы конуштардын жашоо шартын жакшыртуу» долбоорунун алкагында акысыз көчмө юридикалык жана социалдык консультациялар уюштурулду.
Иш-чаранын максаты тургундардын мамлекеттик жана муниципалдык кызматтар тууралуу маалымдуулугун жогорулатуу, ошондой эле социалдык жана укуктук маселелер боюнча керектүү кеңештерди берүү болду. Адистер жарандарга документтер, социалдык жөлөк пулдар, жер жана үй-бүлөлүк укук боюнча кеңири тараган суроолордун үстүндө түшүндүрмө беришти.
Консультациялар эки күндүн ичинде бир нече конушка барып, жергиликтүү тургундардын активдүү катышуусу менен өттү. Жарандар адистерден жеке маселелерине байланыштуу зарыл маалыматтарды жана практикалык кеңештерди алышты.
Иш-чара жаңы конуштардагы социалдык жана юридикалык маалымдуулукту жогорулатууга салым кошту.
